Chapter 2: Design a Library Management System (စာကြည့်တိုက်စနစ်)

အေ သင်ခန်းစာမှာ Data Structures (Array, Stack, Queue, Hash Map) တိကို လက်တွိ့ ဇာနီရာမှာ ရွီးချယ်သုံးရဖို့လဲ ဆိုစွာ လေ့လာကတ်ပါဖို့။

၁။ လိုအပ်ချက်များ (Requirements)

စာအုပ်နာမည် ရိုက်ရှာကေ ချက်ချင်း တွိရပါဖို့။
စာအုပ်ငှားချင်ရေလူတိကို အလှည့်ကျ စောင့်ခိုင်းရပါဖို့။
စာအုပ်ပြန်အပ်ကေ လှည်း (Cart) မာ တင်ထားမေ၊ စာကြည့်တိုက်မှူးက နောက်ဆုံးအပ်စွာကို အရင်ယူပနာ စင်ထက်ပြန်တင်မေ။

၂။ Data Structure ရွီးချယ်ခြင်း

ပြဿနာ ၁: စာအုပ်ရှာဖွီခြင်း (Searching)

စာအုပ်ပေါင်း ၁ သိန်းဟိရေ။ "Harry Potter" လို့ ရှာလိုက်စွာနန့် ဇာစင်မှာဟိလဲ ချက်ချင်း သိချင်ပါရေ။

Option A (Array): တစ်အုပ်ချင်းစီ လိုက်ရှာမေ (ကြာမေ)။
Option B (Hash Map): Title ကို Key လုပ်ပနာ Location ကို Value ထားမေ။ Map["Harry Potter"] ဆိုစာနန့် ချက်ချင်း အဖြေထွက်ဖို့။
Decision: Hash Map ကို သုံးသင့်ပါရေ။ (အယင်ဆုံးမို့လို့ပါ)

ပြဿနာ ၂: စာအုပ်ငှားဖို့ စောင့်ခြင်း (Waiting List)

စာအုပ်တစ်အုပ်တည်းကို လူ ၅ ယောက်လောက် လိုချင်နီကတ်ပါရေ။

စည်းကမ်း: အရင်လာရေလူ အရင်ရရဖို့ (First Come, First Served).
Decision: Queue (FIFO) ကို သုံးရပါဖို့။ လူ A လာကေ Enqueue(A), လူ B လာကေ Enqueue(B)။ စာအုပ်အားစာနန့် Dequeue() လုပ်ပနာ A ကို ပီးလိုက်မေ။

ပြဿနာ ၃: စာအုပ်ပြန်စီခြင်း (Restocking)

ပြန်အပ်ထားရေ စာအုပ်ပုံ (Return Pile) ကို လှည်းပေါ်တင်ထားရေ။

သဘောသဘာဝ: စင်ထက်ကို နောက်ဆုံးမှ တင်လိုက်တေ စာအုပ်က အထက်ဆုံးမှာ ရောက်နီမေ။ ယူကေ ထိပ်ဆုံးက စာကိုရာ အရင်ယူလို့ရမေ။
Decision: Stack (LIFO) သဘောတရား ဖြစ်နီပါရေ။ နောက်ဆုံးအပ်တေစာအုပ် (Last In) ကို အရင်ယူပနာ (First Out) စင်ပေါ်တင်ရပါဖို့။

၃။ System Visualization

[ Library System ]
      |
      |-- (1) Searching: Hash Map { "Title" : "Shelf A-1" }
      |
      |-- (2) Reservation: Queue [ User 1 -> User 2 -> User 3 ]
      |
      |-- (3) Returns: Stack [ Book C (Top) | Book B | Book A (Bottom) ]

သင်ခန်းစာ အကျဉ်းချုပ်

Hash Map: အယင်ဆုံး ရှာဖွေဖို့ သုံးသည်။
Queue: အလှည့်ကျ စနစ်တိ (First-come-first-serve) အတွက် သုံးသည်။
Stack: နောက်ဆုံးလုပ်စာ အယင်ပြန်ဖျက်/ပြန်ယူ (Last-in-first-out) အတွက် သုံးသည်။

လေ့ကျင့်ခန်း (Exercises)

Undo Feature: စာကြည့်တိုက်မှူးက စာအုပ်အချက်အလက်ကို ပြင်နီယင်း မှားဖျက်မိလားရေ။ "Undo" နှိပ်ပနာ အရင်အခြီအနီကို ပြန်လားချင်ကေ ဇာ Data Structure က အသင့်တော်ဆုံးလဲ? (Hint: Stack vs Queue)
Books by Author: စာရွီးဆရာ နာမည်တူ စာအုပ်တိကို စုထားချင်ရေ။ Array နန့် သိမ်းစွာ ကောင်းလား၊ Linked List နန့် ချိတ်ထားစွာ ကောင်းလား?